Семінар-трэнінг «Пра новыя арганізацыйныя тэхналогіі ў кантэксце свядомага мацярынства і бацькоўства»
14 мая ў ДУ «Мінскі гарадскі цэнтр сацыяльнага абслугоўвання сям’і і дзяцей» адбыўся семінар-трэнінг, прысвечаны Дню сям’і для прадстаўнікоў камітэта па працы, занятасці і сацыяльнай абароне Мінскага гарвыканкама, тэрытарыяльных цэнтраў сацыяльнага абслугоўвання г.Мінска і Мінскай вобласці, мерапрыемства арганізавалі Міністэрства працы і сацыяльнай абароны Рэспублікі Беларусь сумесна з рэспубліканскім дабрачынным грамадскім аб’яднаннем «КЛУБ ЛЬВОЎ».
Адкрыла семінар і выступіла з прывітальным словам да ўдзельнікаў Марына Барысаўна Арцёменка, намеснік начальніка кіравання народанасельніцтва, гендэрнай і сямейнай палітыкі.
Выкарыстанне сацыяльных тэхналогій і адказнага бацькоўства сістэмы «ПАПА-ШКОЛ» у дзейнасці тэрытарыяльных цэнтраў сацыяльнага абслугоўвання насельніцтва прадставіў Вячаслаў Міхайлавіч Шчэрба, старшыня РДГА «КЛУБ ЛЬВОЎ».
Екацярына Барысаўна Мальцава, дырэктар ДУ «Мінскі гарадскі цэнтр сацыяльнага абслугоўвання сям’і і дзяцей», расказала пра інавацыйныя падыходы ў падтрымцы інстытута сям’і, бацькоўства і дзяцінства ў дзейнасці Цэнтра.
Партрэт сучаснай беларускай сям’і (вынікі навукова-практычнага даследвання) прадставіла Дзіяна Міхайлаўна Мардас, урач акушэр-гінеколаг, кіраўнік праекта «Мама Pro», старшыня праўлення Інфармацыйнай сацыяльна-дабрачыннай установы «Бейбі Сторы».
Міжнародным вопытам у сферы камунікацыйных магчымасцяў у фармаце недзяржаўныя структуры – дзяржаўныя структуры – мясцовыя супольнасці падзялілася Наталля Міранчук, дырэктар Інфармацыйнай сацыяльна-дабрачыннай установы «Бейбі Сторы».
