Ва ўсім свеце членаў Лайанз клубаў пазнаюць па эмблеме. Залатая літара «L», перашая літара слова «LIONS» - «ЛЬВЫ». Яна размешчана ў крузе, які сімвалізуе адзінства арганізацыі, дух сяброўства і ўзаемадапамогу яе членаў, навакольнае асяроддзе, вырашэнне надзённых пытанняў якога — асноўная мэта Асацыяцыі, кола людзей, залучаных для вырашэння гэтых пытанняў.

У аснове эмблемы — львы. Львы — традыцыйны элемент еўрапейскай, у тым ліку і беларускай геральдыкі. Львіныя профілі глядзяць у супрацьлеглыя бакі. Яны ўвасабляюць высакародства, велікадушнасць, аказанне дапамогі тым людзям, каму яна асабліва патрэбна. У філасофскім сэнсе, адна галава з гонарам глядзіць у мінулае, другая — з упэўненасцю ў будучыню.

Сіні колер сімвалізуе вернасць і адданасць традыцыям, а таксама адзінства розуму і пачуццяў; залаты — сумленнасць, чысціню, велікадушнасць і шчодрасць, маральнасць і спачуванне. Сіні і залаты таксама з’яўляюцца афіцыйнымі колерамі арганізацыі.