Пераднавагоднія дні — поўныя цудаў дні. Працяг

Напярэдадні Новага года валанцёры ДУА «Спецыялізаваны дзіцячы сад №99 для дзяцей з цяжкімі парушэннямі маўлення» па ініцыятыве прэзідэнта Клуба Львоў «Гомель» наведалі жыхароў дома састарэлых у в.Шубіна Веткаўскага раёна Гомельскай вобласці. Ад усёй душы Дзед Мароз і Снягурка пажадалі жыхарам дома састарэлых моцнага здароўя і добрага настрою і ўручылі састарэлым людзям салодкія падарункі і гігіенічныя наборы. 

Клуб Львоў «Гомель» паклапаціўся таксама пра дзяцей-інвалідаў. Члены клуба сумесна з валанцёрамі аддзела дзяржаўнай экалагічнай экспертызы па Гомельскай вобласці ДУА «Рэспубліканскі цэнтр дзяржаўнай экалагічнай экспертызы і павышэння кваліфікацыі кіруючых працаўнікоў і спецыялістаў Міністэрства прыродных рэсурсаў і аховы навакольнага асяроддзя Рэспублікі Беларусь» наведалі 15 дзяцей-інвалідаў на даму. Салодкія падарункі, гігіенічныя наборы, адзенне перадалі сем’ям. Прыемным дапаўненнем да падарункаў сталі традыцыйныя навагоднія пернікавыя пачастункі.